جھنگ(ڈیلی پاکستان آن لائن) جھنگ میں 4 روز قبل تشویشناک حالت میں ہسپتال لائی جانے والی لڑکی دم توڑ گئی۔
نجی ٹی وی چینل جیو نیوز کے مطابق سلطان کالونی کی رہائشی لڑکی 4 جون کو گھرسے کپڑے لینے نکلی تھی، اتوار کو نامعلوم شخص نے فون پر والدین کو اطلاع دی کہ 3 افراد ان کی بیٹی کو بےہوشی کی حالت میں ہسپتال چھوڑ کر فرار ہوگئے۔
لڑکی ڈی ایچ کیو ہسپتال میں زیر علاج تھی جہاں وہ دم توڑ گئی ہے جبکہ پولیس نے اس واقعے کا مقدمہ بھی درج کرلیا ہے۔
پولیس کا کہنا ہے کہ لڑکی کی موت کی وجہ پوسٹ مارٹم کے بعد سامنے آئے گی،سی سی ٹی وی کی مدد سے ملزمان کی شناخت اور تلاش شروع کردی گئی ہے۔
دوسری جانب لڑکی کے والد نے وزیراعلیٰ پنجاب مریم نواز سے انصاف کی فراہمی کی اپیل کی ہے۔
