بھکر(ڈیلی پاکستان آن لائن)پنجاب کے ضلع بھکر میں ہنی ٹریپ کے ذریعے اغوا ہونے والے نوجوان کو پولیس نے بحفاظت بازیاب کرا لیا، جبکہ کارروائی کے دوران گینگ کے تین کارندوں کو گرفتار کر لیا گیا۔
نجی ٹی وی چینل ایکسپریس نیوز کے مطابق پولیس کا کہنا ہے کہ محلہ تیلیاں والا، کلورکوٹ کے رہائشی نوجوان عابد کی فون پر ایک خاتون ملائکہ سے دوستی ہوئی، جس نے اسے ملاقات کے بہانے فتح پور بلایا۔ عابد ملاقات کے شوق میں کلورکوٹ سے فتح پور پہنچ گیا جہاں ملائکہ نے اپنے بھائی عقیل اور سہیلی شکیلہ کے ساتھ مل کر اسے ہنی ٹریپ کا شکار بنا لیا۔
ڈی پی او شہزاد رفیق نے نوجوانوں کو خبردار کرتے ہوئے کہا کہ وہ فون پر ہونے والی دوستیوں اور ایسے جھانسوں سے محتاط رہیں۔
