متحدہ عرب امارات کے صدر اور ڈونلڈ ٹرمپ کے درمیان ٹیلیفونک رابطہ

دبئی ( مانیٹرنگ ڈیسک ) متحدہ عرب امارات کے صدر شیخ محمد بن زاید النہیان اور امریکا کے صدر ڈونلڈ ٹرمپ کے درمیان ٹیلیفونک رابطہ ہوا ہے۔

تفصیلات کے مطابق دونوں رہنماؤں نے ایران کے حملوں اور خطے کی کشیدہ صورتحال پر تبادلۂ خیال کیا۔ ڈونلڈ ٹرمپ اور اماراتی صدر نے عرب امارات میں شہریوں اور اہم تنصیبات پر حملوں کی مذمت کی۔

’’جنگ ‘‘ کے مطابق مشترکہ بیان میں کہا گیا ہے کہ عرب امارات پر حملے خودمختاری اور عالمی قوانین کے خلاف ہیں۔

اس موقع پر امریکی صدر ڈونلڈ ٹرمپ نے متحدہ عرب امارات سے مکمل یکجہتی کا اظہار کیا اور خطے کے امن و استحکام کے لیے مکمل تعاون کا یقین بھی دلایا۔