لاہور سمیت پنجاب کے مختلف شہروں کی فضاءآج بھی انتہائی مضر صحت

لاہور(ڈیلی پاکستان آن لائن)لاہور سمیت پنجاب کے مختلف شہروں میں فضائی آلودگی کی شدت آج بھی انتہائی مضرِ صحت ہے۔

نجی ٹی وی چینل ’’دنیا نیوز‘‘ کےمطابق عالمی ماحولیاتی ویب سائٹ کے مطابق 517 ایئر کوالٹی انڈیکس کے ساتھ گوجرانوالہ پہلے نمبر پر آگیا، آلودگی کے اعتبار سے لاہور پاکستان میں تیسرے نمبر پر ہے، شہر میں سموگ کی اوسط شرح 394 تک جا پہنچی۔

لاہور میں ڈی ایچ اے کے علاقے کا ایئر کوالٹی انڈیکس 759 ریکارڈ کیا گیا، برکی روڈ 661 جبکہ ایف سی کالج کے اطراف میں اے کیو آئی 611 ریکارڈ ہوا ہے۔

ماہرین ماحولیات کا کہنا ہے کہ مسلسل بڑھتی آلودگی شہریوں کے لئے شدید خطرہ بن چکی ہے، شہری غیر ضروری سفر سے گریز کریں، ماسک کا استعمال یقینی بنائیں اور صبح کے اوقات میں کھلی فضاء میں سرگرمیوں سے پرہیز کریں۔