کسی جماعت کیلیے جگہ نہیں بچے گی، مذاکرات کیلیے کون سنجیدہ نہیں ۔۔۔؟ مصطفیٰ نواز کھوکھر کھل کر بول پڑے

کراچی ( مانیٹرنگ ڈیسک ) کسی جماعت کیلیے جگہ نہیں بچے گی، مذاکرات کیلیے کون سنجیدہ نہیں ۔۔۔؟ سابق سینیٹر مصطفیٰ نواز کھوکھر کھل کر بول پڑے ۔

’’جیو نیوز‘‘ کے پروگرام ’’آج شاہزیب خانزادہ کے ساتھ‘‘ میں گفتگو کے دوران مصطفیٰ نواز کھوکھر نے کہا کہ ایسا نظر آتا ہے کہ (ن) لیگ مذاکرات میں سنجیدہ نہیں۔پی ٹی آئی نے محمود اچکزئی کو مذاکرات کا اختیار دیا ہے۔بڑا چیلنج یہ ہے کہ انتشار کا ماحول کیسے ختم کرنا ہے، حکومت پر بھی ذمے داری ہے کہ ماحول خراب نہ کرے۔

سابق سینیٹر نے مزید کہا کہ محمود اچکزئی اور علامہ ناصر عباس کا مطالبہ ہے کہ بانیٔ پی ٹی آئی سے ملاقات کرائی جائے۔ بات کرنا ضروری ہے جو تجاوزات ہو چکیں کسی جماعت کے لیے جگہ نہیں بچے گی، گورنر راج سیاسی عمل کے لیے بڑا دھچکا ہو گا، اس سے ہر صورت باز رہنا چاہیے۔