لاہور ( ڈیلی پاکستان آن لائن )وزیر اعلیٰ پنجاب مریم نواز نے راولپنڈی دورہ کیا۔وزیراعلیٰ نے راولپنڈی سگنل فری کوریڈور کا سنگِ بنیاد رکھ دیا۔راولپنڈی میں
لاہور ( ڈیلی پاکستان آن لائن )وزیر اعلیٰ پنجاب مریم نواز نے راولپنڈی دورہ کیا۔وزیراعلیٰ نے راولپنڈی سگنل فری کوریڈور کا سنگِ بنیاد رکھ دیا۔راولپنڈی میں سگنل فری کوریڈور 30- ارب کی لاگت سے مکمل ہوگا۔
تفصیلات کے مطابق وزیراعلیٰ مریم نواز نے راولپنڈی سگنل فری کوریڈور پراجیکٹ ایک سال میں مکمل کرنے ہدف دیدیا۔راولپنڈی کے کچہری چوک ری ماڈلنگ پراجیکٹ کا دورہ کیا اور انیکسی چوک، افتخار جنجوعہ اورکچہری چوک کا جائزہ لیا۔
وزیراعلیٰ کو کمشنر آفس راولپنڈی میں پراجیکٹ پر مکمل بریفنگ دی گئی۔بریفنگ میں بتایا گیا کہ راولپنڈی کےجناح پارک فلائی اوور کے 80 فیصد پائل مکمل،جناح پارک انڈر پاس کے 10 فیصد پائل مکمل ہوگئے۔کچہری چوک فلائی اوور کے 28 فیصد پائل اور 32 فیصد گرڈرز کی تنصیب مکمل ہوگئی۔
وزیراعلیٰ مریم نواز نے کہا کہ کچہری چوک پراجیکٹ سے شہریوں کو وقت اور ایندھن کی بچت ہو گی۔وزیراعلیٰ نے ہدایت کی کہ کچہری چوک پراجیکٹ کی بروقت تکمیل اورشفافیت یقینی بنایا جائے۔ کچہری پراجیکٹ میں ماحولیاتی معیار کا خاص خیال رکھا جائے۔
