لاہور میں ایک فیملی کا انسداد پولیو ٹیم پر حملہ، خاتون ورکر کا سر پھاڑ دیا

لاہور(ڈیلی پاکستان آن لائن)لاہور میں ایک فیملی نے انسداد پولیو ٹیم پر حملہ کردیا جس سے خاتون ورکر کا سرپھٹ گیا۔

نجی ٹی وی چینل جیو نیوز کے مطابق پولیس حکام کا کہنا ہے کہ پولیو ٹیم لاہور کے علاقے کوٹ لکھپت میں مہم کے لیے گئی تھی جہاں ایک گھر کے افراد نے بچوں کو ویکسین لگوانے سے انکار کیا۔

پولیس کا کہنا ہےکہ انسداد پولیو ورکرکے سمجھانےکی کوشش پرخاتون اور دوبیٹیوں نے حملہ کردیا، اس موقع پر اینٹ لگنے سے پولیو ٹیم کی خاتون ورکرکا سرپھٹ گیا جب کہ سکوٹی کو بھی نقصان پہنچایا گیا۔

پولیس کے مطابق انسداد پولیو ٹیم کے انچارج کی درخواست پر مقدمہ درج کرلیا گیا ہے، مقدمے میں نامزد خاتون اوراس کے 2 بیٹے فرار ہیں جن کی تلاش جاری ہے۔