لاہور ہائیکورٹ میں ہائی اوکٹین کی قیمت میں 200روپے اضافے کا نوٹیفکیشن چیلنج

لاہور(ڈیلی پاکستان آن لائن)لاہور ہائیکورٹ میں ہائی اوکٹین کی قیمت میں 200روپے اضافے کا نوٹیفکیشن چیلنج کر دیاگیا۔

نجی ٹی وی چینل دنیا نیوز کے مطابق متفرق درخواست میں وفاقی حکومت اوراوگرا کو فریق بنایا گیا،درخواست جوڈیشل ایکٹیوزم پینل کے سربراہ اظہر صدیق نے دائر کی۔

درخواست میں موقف اختیار کیا گیا ہے کہ لگژری گاڑیوں کے ہائی اوکٹین پر لیوی 100سے بڑھا کر 300روپے کردی گئی،قیمتوں میں اضافہ عالمی مارکیٹ کے مطابق نہیں،ہائی اوکٹین کی قیمت بڑھنے سے مہنگائی میں اضافہ ہوگا،

درخواست گزار کی جانب سے استدعا کی گئی ہے کہ عدالت پیٹرولیم قیمتوں کا فارمولا اور ٹیکس تفصیلات طلب کرے۔