اسلام آباد(ڈیلی پاکستان آن لائن)وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی ہے،ملاقات میں خطے کی صورتحال پر تفصیلی تبادلہ خیال
اسلام آباد(ڈیلی پاکستان آن لائن)وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی ہے،ملاقات میں خطے کی صورتحال پر تفصیلی تبادلہ خیال کیاگیا، ملاقات میں اسلام آباد مذاکرات کے دوسرے راؤنڈ پر سفارتی امور زیرغورآئے،محسن نقوی نے جنگ بندی میں توسیع کیلئے صدر ٹرمپ کے اقدام کو سراہا۔
وفاقی وزیر داخلہ کاکہناتھا کہ امریکی صدر ٹرمپ کی جنگ بندی میں توسیع خوش آئند ہے،ایران کی جانب سے بھی مثبت پیشرفت کی امید ہے،وزیراعظم اور فیلڈ مارشل تنازع کے حل کیلئے بھرپور کوششیں کررہے ہیں،امید ہے فریقین سفارتی اورپرامن حل کو موقع دیں گے،نیٹلی بیکر نے خطے میں قیام امن کیلئے پاکستان کے تعمیری کردار کو سراہا۔
