سرگودھا: اٹلی سے آنیوالی خاتون پر شوہر اور سسرالیوں کا تشدد، پاسپورٹ اور زیورات چھین لیے

سرگودھا(ڈیلی پاکستان آن لائن)ماڑی لک میں خاتون کو شوہر اورسسرالیوں کی جانب سے مبینہ تشدد کا نشانہ بنایا گیا جب کہ زیورات اور پاسپورٹ چھین لیا۔

نجی ٹی وی چینل جیو نیوز کے مطابق پولیس کا کہنا ہے کہ تھانہ جھال چکیاں میں خاتون کے شوہر،سسر اور ساس کے خلاف خاتون پر تشدد کا مقدمہ درج کرلیا گیا۔

مقدمے میں خاتون کا مؤقف تھا کہ وہ اٹلی سے اپنے شوہر اور بیٹے کے ہمراہ 13 ستمبر 2025 کو سرگودھاپہنچی تھی، جہاں سسرالیوں نےکئی ماہ تک گھرمیں قیدرکھ کر اسے تشددکا نشانہ بنایا۔

خاتون نے بتایا کہ وہ گھربسانےکی خاطرخاموش رہی، پھرپولیس سےرجوع کیا۔

دوسری جانب پولیس کا کہناہے کہ نامزد ملزمان سےتفتیش شروع کردی گئی ہے۔