سری نگر ( مانیٹرنگ ڈیسک )آزاد کشمیر میں کالعدم ایکشن کمیٹی کے مطالبے پر حریت رہنما میر واعظ عمر فاروق کا رد عمل بھی آ گیا ۔
’’جیو نیوز ‘‘ کے مطابق کشمیری حریت رہنما میر واعظ عمر فاروق نے کالعدم ایکشن کمیٹی کے مطالبے پر ردعمل دیتے ہوئے کہا ہے کہ پاکستان میں مقیم لاکھوں کشمیری مہاجرین کا حقِ رائے دہی ان کا آئینی اور جمہوری حق ہے جسے نظرانداز نہیں کیا جاسکتا۔ کشمیری مہاجرین کے حقوق جموں و کشمیر کے عوام کے اجتماعی حقوق کا لازمی حصہ ہیں۔
میر واعظ عمرفاروق نے کہا کہ کشمیریوں کی جدوجہد کی کامیابی جموں وکشمیر کے ہر علاقے کے لوگوں کے حقوق کی نمائندگی سے مشروط ہے، ایک طبقے کے حقوق کی خاطر دوسرے کے آئینی و جمہوری حقوق کو فراموش نہیں کیا جا سکتا۔تمام فریقین مل بیٹھ کر باہمی مشاورت اور افہام و تفہیم کے ذریعے بات چیت کریں اور ایسا حل تلاش کریں جو سب کے لیے قابلِ قبول ہو۔
