لاہور(ڈیلی پاکستان آن لائن)علامہ اقبال انٹرنیشنل ایئرپورٹ پر مختلف وجوہات کے باعث 3 پروازیں منسوخ کردی گئیں۔
ایکسپریس نیوز کے مطابق ایئرپورٹ ذرائع کا کہنا ہے کہ لاہور سے ریاض جانے والی نجی ایئرلائن کی پرواز ایکس وائے 318 سیکیورٹی خدشات کے باعث منسوخ کردی گئی۔
لاہور سے ابوظہبی جانے والی نجی ایئرلائن کی پرواز پی ایف 796 تکنیکی خرابی کے باعث منسوخ ہوئی، جبکہ لاہور سے استنبول جانے والی نجی ایئرلائن کی پرواز ٹی کے 745 بھی تکنیکی خرابی کے باعث منسوخ کردی گئی۔
ایئرپورٹ ذرائع کے مطابق تینوں پروازوں کی منسوخی کی وجوہات سیکیورٹی خدشات اور تکنیکی خرابیاں ہیں۔
