عماد وسیم اپنے بچوں سے ملاقات نہیں کرتے، سابق اہلیہ کا انکشاف

لاہور(ڈیلی پاکستان آن لائن)پاکستانی کرکٹر عماد وسیم کی سابق اہلیہ اور سوشل میڈیا انفلوئنسر ثانیہ اشفاق نے دعویٰ کیا ہے کہ کرکٹر اپنے بچوں سے ملاقات نہیں کرتے اور ان کی تمام ذمہ داریاں وہ اکیلے نبھا رہی ہیں۔

نجی ٹی وی چینل ایکسپریس نیوز کے مطابق حال ہی میں برطانیہ میں ایک تقریب کے دوران صحافی نے ثانیہ اشفاق سے سوال کیا کہ کیا عماد وسیم اپنے بچوں کی دیکھ بھال کرتے ہیں؟ اس پر ثانیہ اشفاق نے جواب دیا کہ عماد وسیم بچوں سے ملاقات نہیں کرتے اور وہ تمام ذمہ داریاں خود سنبھال رہی ہیں۔

ان کے مطابق عماد وسیم نے آخری مرتبہ نومبر 2025 میں بچوں سے ملاقات کی تھی، جب وہ اپنے نومولود بیٹے زایان کو دیکھنے آئے تھے۔ اس کے بعد عماد وسیم نے نہ بچوں سے ملاقات کی اور نہ ہی ان سے بات کی۔

انہوں نے واضح کیا کہ وہ اپنی زندگی میں آگے بڑھ چکی ہیں اور اپنے بچوں کی بہتر انداز میں پرورش کرنے کی صلاحیت رکھتی ہیں۔

View this post on Instagram

A post shared by Murtaza Ali Shah (@murtazaviews)

واضح رہے کہ عماد وسیم اور ثانیہ اشفاق کے درمیان 2025 میں طلاق ہو گئی تھی، جس کے بعد کرکٹر نے سوشل میڈیا انفلوئنسر نائلہ راجہ سے شادی کر لی تھی۔