کراچی میں منکی پاکس کا دوسرا کیس رپورٹ

کراچی(ڈیلی پاکستان آن لائن)کراچی میں منکی پاکس کا دوسرا کیس رپورٹ ہو گیا ہے۔

روزنامہ جنگ کے مطابق اس حوالے سے سندھ انفیکشن ڈیزیز ہسپتال کے ایم ایس کا کہا ہے کہ سندھ انفیکشن ڈیزیز ہسپتال میں 22 سال کے نوجوان میں ایم پاکس کی تصدیق ہوئی ہے۔

انہوں نے بتایا کہ مریض بفرزون کا رہائشی ہے، رپورٹ مثبت آنے پر اس کو آئسولیشن میں منتقل کر دیا گیا ہے۔

ایم ایس کا کہنا ہے کہ متاثرہ شخص کی کوئی سفری ہسٹری سامنے نہیں آئی۔

سندھ انفیکشن ڈیزیز ہسپتال کے ایم ایس نے کہا کہ کراچی میں ایم پاکس کا پہلا کیس مارچ میں رپورٹ ہوا تھا۔