پی ایس ایل11، ملتان سلطانز 6 وکٹوں سے کامیاب، راولپنڈیز کو مسلسل 8 ویں شکست

کراچی(ڈیلی پاکستان آن لائن) پاکستان سپر لیگ( پی ایس ایل) 11 میں ملتان سلطانز نے راولپنڈیز کو 6 وکٹوں سے شکست دے کر 2 اہم پوائنٹس حاصل کرلیے اور ٹیبل پر دوسرے نمبر پر پہنچ گئی۔کراچی میں کھیلے گئے میچ میں راولپنڈیز نے ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں 4 وکٹوں پر 166 رنز سکور کیے۔راولپنڈیز کی جانب سے ڈیرل مچل نے 58 رنز کی ناقابل شکست اننگز کھیلی۔سیم بلنگز نے 29 اور کپتان محمد رضوان نے 26 رنز اسکور کیے۔جواب میں ملتان سلطانز نے سٹیو سمتھ کی شاندار ففٹی کی بدولت ہدف با آسانی 18.4 اوورز میں 4 وکٹوں کے نقصان پر حاصل کرلیا۔

ملتان سلطانز کی جانب سے سٹیو سمتھ 56 رنز بناکر نمایاں رہے۔ ایشٹن ٹرنر نے 37 رنز کی ناقابل شکست اننگز کھیلی۔یوں ملتان سلطانز 2 اہم پوائنٹس حاصل کرتے ہوئے ٹیبل پر دوسری پوزیشن پر آگئی۔واضح رہے کہ راولپنڈیز کی یہ مسلسل 8 ویں شکست ہے اور وہ اس ٹورنامنٹ میں اب تک ایک بھی میچ جیتنے میں کامیاب نہیں ہوئی۔ پشاور زلمی 8 میچز میں 15 پوائنٹس کے ساتھ ٹیبل پر پہلی پوزیشن پر براجمان ہے۔ملتان کے 8 میچز میں 12 پوائنٹس ہیں۔