برمنگھم (نمائندہ خصوصی) پشاور، خیبر پختونخوا سے تعلق رکھنے والے نور برادرز، جن میں نور عبدالحق میناخیل اور محمد ضیاء و دیگر شامل ہیں، ان نوجوانوں نے اپنے بہترین اخلاق، محبت، خلوص اور انسانیت کی خدمت کے جذبے سے برطانیہ میں مقیم پاکستانی کمیونٹی کے دلوں میں ایک منفرد مقام بنا لیا ہے۔نور برادرز نے برمنگھم میں پاکستانی کھانوں اور ثقافت کو اجاگر کرنے کے لیے اپنے کاروبار کی بنیاد پشاور اور پاکستان کے نام سے رکھی۔ دیکھتے ہی دیکھتے ان کے ریسٹورنٹس نے نہ صرف پاکستانی کمیونٹی بلکہ مختلف قومیتوں کے لوگوں میں بھی اپنی ایک خاص پہچان بنا لی۔
