اسلام آباد(ڈیلی پاکستان آن لائن)وزیراعظم شہباز شریف کے آئندہ دورۂ چین کے باعث نئے مالی سال کے وفاقی بجٹ کے شیڈول میں ردوبدل کا امکان ظاہر کیا جا رہا ہے، جبکہ وفاقی بجٹ اب 5 جون کو پیش کیے جانے کا امکان ہے۔
نجی ٹی وی ’’سماء نیوز‘‘ کے مطابق ذرائع کا کہنا ہے کہ قومی اقتصادی کونسل کااجلاس 3 جون کوجبکہ اقتصادی سروے 4 جون کوجاری کیے جانے کاامکان ہے،اس کےعلاوہ سالانہ پلان کوآرڈینیشن کمیٹی کا آج ہونےوالا اجلاس بھی یکم جون تک مؤخرکردیا گیا ہے۔
ذرائع کاکہنا ہےکہ وزیراعظم شہبازشریف 24 سے 26 مئی تک چین کاسرکاری دورہ کریں گے،جہاں وہ چینی صدراور وزیراعظم سمیت اعلیٰ حکام سے اہم ملاقاتیں کریں گے،ملاقاتوں میں خطےکی صورتحال،سرمایہ کاری اور دوطرفہ تعاون پر تبادلۂ خیال کیا جائے گا۔
