اسلام آباد(ڈیلی پاکستان آن لائن)راولپنڈی میں پسند کی شادی پر جرگے کے فیصلے پر لڑکی کو قتل کرنے کے معاملے پر سپریم کورٹ نے پنجاب پراسیکیوشن کی ملزمان کی ضمانتوں کے خلاف اپیلوں پر ملزمان کو نوٹس جاری کر دیئے۔
نجی ٹی وی چینل ایکسپریس نیوز کے مطابق چیف جسٹس کی سربراہی میں تین رکنی بینچ نے پنجاب پراسیکیوشن کی ملزمان کی ضمانتوں کے خلاف اپیل پر سماعت کی۔
ایڈیشنل ایڈووکیٹ جنرل پنجاب نے کہا جرگے کے فیصلے پر لڑکی کو کشمیر سے بلوا کر قتل کیا گیا اور دفن کر دیا گیا۔
چیف جسٹس یحییٰ آفریدی نے استفسار کیا کہ کیا اس کیس میں ملزمان کو نوٹس کر دیں؟ ایڈیشنل ایڈووکیٹ جنرل پنجاب نے جواب دیا کہ جی ضرور اس کیس میں نوٹس جاری کیا جائے، ملزمان کی ضمانت منسوخی کی اپیلوں پر لازمی نوٹس کریں۔
