اسلام آباد (ڈیلی پاکستان آن لائن) وفاقی وزیر داخلہ محسن نقوی نے کہا ہے کہ وفاقی حکومت اور اس کے اتحادیوں نے خیبرپختونخوا حکومت اور پاکستان تحریک انصاف (پی ٹی آئی) کی قیادت کے ساتھ مذاکرات اور تعاون کے تمام راستے آزما لیے، تاہم حالات کے پیش نظر ایک مشکل آئینی راستہ اختیار کرنا پڑا۔
محسن نقوی نے سماجی رابطے کی ویب سائٹ ایکس (X) پر اپنے بیان میں کہا کہ حکومت اور اس کے اتحادیوں نے پارلیمانی روابط، براہِ راست مذاکرات اور پسِ پردہ سفارت کاری کے ذریعے خیبرپختونخوا حکومت اور پی ٹی آئی کی قیادت سے رابطوں کی تمام ممکنہ کوششیں کیں۔
وفاقی وزیر داخلہ نے دعا کی کہ اللہ تعالیٰ پاکستان کی حفاظت فرمائے اور ملک و قوم کو پائیدار امن عطا کرے۔
