اسلام آباد(ڈیلی پاکستان آن لائن)اسلام آباد ہائیکورٹ میں ڈیپوٹیشن پر تعینات سیکشن آفیسرز کی متعلقہ صوبوں میں واپسی کے فیصلے کیخلاف کیس کی سماعت ہوئی جب کہ درخواست گزاروں کی جانب سے جج کو اپروچ کیے جانے کا انکشاف ہوا۔
نجی ٹی وی چینل ایکسپریس نیوز کے مطابق جسٹس ارب محمد طاہر نے کیس سننے سے معذرت کرلی، جسٹس ارباب محمد طاہر نے شدید اظہار برہمی کیا۔
جسٹس ارباب محمد طاہر نے درخواستگزاروں سے مکالمہ کیا کہ آپ سفارشیں کرواتے ہیں،مجھے کالز کرواتے ہیں، آپ کا کام ایسے نہیں ہوگا، یہ غلط اور نامناسب بات ہے، درخواست گزاروں نے مجھے اپروچ کرنے کی کوشش کی ہے، اِنھوں نے مجھے فون کالز کروائیں ہیں، ایسا نہیں ہوتا۔
خالد محمود، محمد عارف، دلشاد احمد نے عدالت سے رجوع کر رکھا ہے، سعید چوہدری، ڈاکٹر محمد اسماعیل اور نجیب اللہ بھی درخواست گزاروں میں شامل ہیں۔
