لاہور: لیسکو شارٹ فال 850 میگاواٹ سے متجاوز، شہر میں لوڈشیڈنگ کا دورانیہ بڑھ گیا

لاہور(ڈیلی پاکستان آن لائن) لیسکوکا شارٹ فال 850 میگاواٹ سے تجاوز کرگیا۔

نجی ٹی وی چینل جیو نیوز کے مطابق ذرائع این ٹی ڈی سی کا کہنا ہے کہ لیسکوکا شارٹ فال 850 میگاواٹ سے تجاوز کرگیا جس کے باعث وہ اپنی 2700 میگاواٹ کی ڈیمانڈ بھی پوری نہیں کر پا رہا۔

ذرائع نے بتایا کہ شارٹ فال کی وجہ سے شہر میں 2گھنٹے جبکہ دیہات میں 4 سے 6 گھنٹےکی غیراعلانیہ لوڈشیڈنگ کی جارہی ہے۔

ذرائع نے یہ بھی بتایا کہ بجلی کی طلب بڑھنے پر لوڈشیڈنگ کا دورانیہ مزید بڑھنےکا امکان ہے۔

ادھر ذرائع سوئی ناردرن نے بتایا کہ درجہ حرارت بڑھنے کے ساتھ گیس کی قلت بھی بڑھ گئی ہے، گیس کی قلت کے باعث شہری ایل پی جی خرید رہے ہیں۔

ذرائع این ٹی ڈی سی نے مزید بتایا کہ آر ایل این جی گیس نہ ملنے سے بلوکی پاورپلانٹ بند ہوگیا ہے، بلوکی پاورپلانٹ 1223 میگاواٹ بجلی سسٹم میں فراہم کرتا تھا۔