تہران(ڈیلی پاکستان آن لائن)ایرانی وزارتِ خارجہ کے ترجمان اسماعیل بقائی نے امریکہ پر تنقید کرتے ہوئے کہا ہے کہ ’واشنگٹن نے سفارت کاری اور مذاکرات کے بجائے پابندیوں کو اپنا ہتھیار بنا لیا ہے۔‘
بی بی سی اردو کے مطابق ایرانی سرکاری خبر رساں ادارے ارنا کے مطابق اسماعیل بقائی نے امریکی وزیرِ خزانہ کے بیان کے جواب میں یہ بات کہی۔ امریکی وزیرِ خزانہ نے کہا تھا کہ ’امریکہ ایران پر اقتصادی پابندیوں کے ذریعے دباؤ بڑھانے کی کوشش کر رہا ہے۔‘
اسماعیل بقائی نے ’ایکس‘ پر کہا کہ ’جب بھی امریکہ سفارت کاری کے ذریعے کوئی پیش رفت نہیں کر پاتا تو وہ ایران پر نئی پابندیاں عائد کر دیتا ہے۔‘
انھوں نے کہا کہ ’چونکہ پابندیوں سے مطلوبہ نتائج حاصل نہیں ہوتے، اس لیے امریکہ ان میں مزید اضافہ کرتا رہتا ہے۔‘
