لاہور(ڈیلی پاکستان آن لائن) پنجاب بھر میں دفعہ 144 کے نفاذ میں توسیع کر دی گئی ہے۔ نجی ٹی وی چینل دنیا نیوز کے مطابق صوبہ بھر میں آؤٹ ڈور ڈرون اُڑانے پر
لاہور(ڈیلی پاکستان آن لائن) پنجاب بھر میں دفعہ 144 کے نفاذ میں توسیع کر دی گئی ہے۔
نجی ٹی وی چینل دنیا نیوز کے مطابق صوبہ بھر میں آؤٹ ڈور ڈرون اُڑانے پر مکمل پابندی برقرار ہے جبکہ محکمہ داخلہ نے دفعہ 144 کے تحت کھلی فضا میں ڈرون اڑانے پر عائد پابندی میں 30 روز کی توسیع کر دی ہے۔
واضح رہے حکومت پنجاب نے سکیورٹی خدشات کے پیشِ نظر ڈرون کے استعمال پر پابندی عائد کی تاہم ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے۔
ترجمان محکمہ داخلہ پنجاب کے مطابق اندرونی تقریبات میں ڈرون کے محفوظ استعمال کی ذمہ داری منتظمین پرعائد ہوگی جبکہ قانون نافذ کرنے والے اور انٹیلیجنس اداروں کو پابندی سے مستثنیٰ قرار دیا گیا ہے۔
انہوں نے بتایا کہ عوامی تحفظ، امن و امان کا قیام اور املاک کی حفاظت حکومت کی اولین ترجیح ہے جبکہ پنجاب بھر میں ڈرون اڑانے پر پابندی کا اطلاق 25 اپریل تک ہوگا،
پنجاب بھر میں انتظامیہ اور پولیس کو احکامات پر سختی سے عملدرآمد کی ہدایت دی گئی ہے۔
