ہم نہیں چاہتے کہ ’’ایران‘‘کے پاس جوہری ہتھیار ہوں،خواہش ہے کہ آبنائے ہرمز کھلی رہے: ٹرمپ

بیجنگ(ڈیلی پاکستان آن لائن)امریکی صدر ٹرمپ نے چینی صدر شی جن پنگ کے ہمراہ ژونگ نان ہائی میں میڈیا سے گفتگو کے دوران کہا ہے کہ چینی صدر کے ساتھ بات چیت میں تجارت، ایران اور بہت سے دیگر امور شامل تھے۔

’’بی بی سی اردو‘‘ کے مطابق صدر ٹرمپ نے گفتگو کا آغاز کرتے ہوئے کہا کہ ’’ہم نے کئی مختلف مسائل حل کیے جنہیں دوسرے لوگ حل نہیں کر سکتے تھے۔‘‘

ایران کے بارے میں بات کرتے ہوئے انھوں نے کہا کہ ’’ہم نہیں چاہتے کہ ان کے پاس جوہری ہتھیار ہوں۔‘ اور ’ہم چاہتے ہیں کہ آبنائے کھلی رہے۔‘‘

اس کے بعد انھوں نے شی جن پنگ کا شکریہ ادا کرتے ہوئے کہا کہ بیجنگ آنا ان کے لیے اعزاز ہے۔ شی جن پنگ سے 24 ستمبر کو دوبارہ ملاقات ہو گی جب وہ امریکہ کا دورہ کریں گے۔

ٹرمپ کے مطابق انھیں امید ہے کہ شی امریکہ سے اسی طرح متاثر ہوں گے جیسے وہ اس بار چین سے ہوئے ہیں۔