کراچی(ڈیلی پاکستان آن لائن)محکمہ موسمیات نے 2 جون کو وسطی سندھ کے چند مقامات پر آندھی اور بارش کا امکان ظاہر کیا ہے۔
نجی ٹی وی چینل جیو نیوز کے مطابق محکمہ موسمیات کا کہنا ہے کہ کراچی میں ان دنوں موسم گرم اورمرطوب ہے۔تاہم 2 جون کو ایم 9 موٹروے کے اطراف کے علاقوں میں رات میں آندھی چل سکتی ہے۔
اس کے علاوہ 2 جون کو وسطی سندھ کے چند مقامات پر آندھی اور بارش کا امکان ہے۔
دوسری جانب خیر پور، سانگھڑ، نواب شاہ ،نوشہروفیروز میں کہیں کہیں آندھی اور ہلکی سے معتدل شدت کی بارش کا امکان ہے۔
