لاہور(ڈیلی پاکستان آن لائن) لاہور ایک بار پھر دنیا کے آلودہ ترین بڑے شہروں کی فہرست میں پہلے نمبر پر آگیا، جہاں فضائی آلودگی کی سطح انتہائی خطرناک ہوگئی ہے۔
عالمی ماحولیاتی ویب سائٹ کے مطابق صوبائی دارالحکومت لاہور کا ایئر کوالٹی انڈیکس 451 ریکارڈ کیا گیا، جبکہ بھارتی دارالحکومت دہلی 224 اے کیو آئی کے ساتھ دوسرے نمبر پر رہا۔
اعداد و شمار کے مطابق گلبرگ کے علاقے کا ایئر کوالٹی انڈیکس 758 پارٹیکولیٹ میٹرز، علامہ اقبال ٹاؤن کے علاقے کا اے کیو آئی 752 ، سید مراتب علی روڈ کے علاقے کا ایئر کوالٹی انڈیکس 613 پارٹیکولیٹ میٹرز ریکارڈ کیا گیا ہے۔
