اسلام آباد (ڈیلی پاکستان آن لائن) وفاقی وزیر ڈاکٹر طارق فضل چوہدری کا کہنا ہے کہ بانی پی ٹی آئی عمران خان کی پمز منتقلی کا فیصلہ کل رات اُن کے اڈیالہ جیل سے روانہ ہونے کے بعد سکیورٹی کی صورتحال کو دیکھتے ہوئے کیا گیا تھا۔
نجی ٹی وی چینل ’’جیو نیوز‘‘ کے پروگرام 'نیا پاکستان'میں بات کرتے ہوئے طارق فضل چوہدری نے کہا کہ یہ فیصلہ اسلام آباد کی انتظامیہ اور پولیس نے کیا تھا۔
طارق فضل چوہدری نے کہا اگر سکیورٹی کے ضامن ادارے ذمہ داری اٹھانے سے انکار کر دیں تو ان کی بات سننی پڑتی ہے۔
جیو نیوز کے پروگرام 'نیا پاکستان' میں بات کرتے ہوئے شیخ وقاص اکرم نے کہا کہ پی ٹی آئی نے سپریم کورٹ کے فیصلے کے فوراً بعد اپنے کارکنان کو شفا ہسپتال سے دور رہنے کی ہدایت کی اور کارکنان نے احترام کیا۔
انہوں نے کہا ایسی کوئی صورتحال نہیں تھی جس سے سکیورٹی خدشات پیدا ہوں، حکومت جھوٹ بول رہی ہے۔
