پاناما میں شدید زلزلے کے جھٹکے، دارالحکومت میں خوف و ہراس، سونامی کا الرٹ آگیا

پیتالوزا اریبا (ڈیلی پاکستان آن لائن) پاناما میں شدید زلزلے کے جھٹکوں سے دارالحکومت میں خوف و ہراس پھیل گیا شہری عمارتوں سے نکل کر سڑکوں پر آگئے جبکہ ممکنہ سونامی کے پیش نظر متعدد ممالک کے ساحلی علاقوں کے لیے انتباہ جاری کردیا گیا۔

نجی ٹی وی چینل ’’ایکسپریس نیوز‘‘ کے مطابق زلزلہ پاناما کے جنوبی حصے میں واقع قصبے پیتالوزا اریبا کے قریب آیا۔

امریکی جیولوجیکل سروے کے مطابق اس کی گہرائی تقریباً 10 کلومیٹر تھی۔ ابتدائی طور پر شدت 8 ریکارڈ کی گئی تاہم بعض خبر رساں اداروں نے بعد میں اسے 7.6 رپورٹ کیا۔

پڑوسی ملک کولمبیا کے بعض علاقوں میں بھی جھٹکے محسوس کیے جانے کی اطلاعات ہیں۔

ابتدائی اطلاعات کے وقت جانی نقصان کی تصدیق نہیں ہوئی تھی تاہم صورت حال کی مکمل تفصیلات سامنے آنا باقی تھیں۔