اسلام آباد (ڈیلی پاکستان آن لائن) بانی پی ٹی آئی عمران خان کو سخت سیکیورٹی حصار میں اڈیالہ جیل سے شفاء انٹرنیشنل ہسپتال کیلئے منتقل کر دیا گیا ۔
نجی ٹی وی چینل ’’ جیو نیوز‘‘ کے مطابق بانی پی ٹی آئی کو سخت سیکیورٹی میں اڈیالا جیل سے شفا ءہسپتال منتقل کیا گیا۔
ذرائع کا کہنا ہے کہ پولیس بانی پی ٹی آئی کو لے کر اسلام آباد کے لیے روانہ ہوئی۔ بانی پی ٹی آئی کو سخت سیکیورٹی میں اڈیالا جیل سے روانہ کیا گیا۔
بانی پی ٹی آئی عمران خان اڈیالا جیل گیٹ نمبر ایک سے ہسپتال کیلئے روانہ ہوئے۔
یاد رہے کہ جمعرات کی صبح سپریم کورٹ کے رجسٹرار آفس نے بانی پی ٹی آئی کی ہسپتال منتقلی کے خلاف گزشتہ روز دائر کی گئی نظر ثانی درخواست بعض اعتراض لگا کر واپس کردی تھی۔
وفاقی وزیر طارق فضل چودھری نے بانی پی ٹی آئی کو بیرونِ ملک بھیجنے کا امکان بھی ظاہر کیا ہے ۔
