مذاکرات کے دروازے کھلے ہیں، حکومت سنجیدگی سے بات کرے تو حل نکل سکتا ہے: راجہ ناصر عباس

اسلام آباد ( مانیٹرنگ ڈیسک ) سینیٹ میں اپوزیشن لیڈر علامہ راجہ ناصر عباس نے کہا ہے کہ مذاکرات کے دروازے کھلے ہیں، حکومت سنجیدگی سے بات کرے تو حل نکل سکتا ہے۔

’’جیو نیوز‘‘ کے پروگرام’’ نیا پاکستان‘‘ میں گفتگو کے دوران راجہ ناصر عباس نے کہا کہ وزیر داخلہ سینیٹر محسن نقوی سے پچھلے دنوں ہونے والی گفتگو کا کوئی نتیجہ نہیں نکل سکا۔ محسن نقوی کا اصرار تھا کہ احتجاج کی کال واپس لے لی جائے تو بات ہوگی۔ انہیں اپوزیشن نے بتایا کہ 27 ستمبر کی کال صرف بانی چیئرمین ہی واپس لے سکتے ہیں۔ہم نے محسن نقوی سے کہا کہ آپ ملاقات کی اجازت دے دیں، تو عمران خان سے اس پر بات کریں گے، جس کے بعد ملاقات بےنتیجہ ختم ہوگئی۔