اسلام آباد(ڈیلی پاکستان آن لائن)حکومت نے سانحہ پمز کی پارلیمانی تحقیقات کیلئے تمام جماعتوں سے نمائندگی کیلئے نام مانگ لیے۔
نجی ٹی وی چینل جیو نیوز کے مطابق قومی اسمبلی نے جمعہ کو مشترکہ پارلیمانی کمیٹی کی قرار داد منظور کی تھی۔
ذرائع کا کہنا ہےکہ حکومت نے تمام جماعتوں سے کمیٹی میں نمائندگی کےلیے نام مانگ لیے ہیں، مشترکہ پارلیمانی کمیٹی میں تمام جماعتوں کی نمائندگی ہوگی۔
پارلیمانی ذرائع کے مطابق نام ملتے ہی پارلیمانی کمیٹی کا نوٹیفکیشن جاری کردیں گے۔
