کوئٹہ ( دیلی پاکستان آن لائن )پشین کے علاقے سرانان میں فائرنگ سے زخمی ہونے والا ایک اور مزدور دم توڑ گیا۔
’’جنگ ‘‘ کے مطابق ریسکیو حکام کے مطابق پشین میں فائرنگ سے جاں بحق مزدوروں کی تعداد 6 ہوگئی ہے۔ جاں بحق مزدوروں کی میتیں فورٹ منرو روانہ کردی گئی ہیں ، جہاں پنجاب کی متعلقہ ضلعی انتظامیہ کے حوالے کی جائیں گی۔
پولیس کے مطابق سرانان میں گذشتہ روز مسلح افراد کی فائرنگ سے 5 مزدور جاں بحق ایک زخمی ہوا تھا۔
