اسلام آباد(ڈیلی پاکستان آن لائن)پمزہسپتال میں نومولود بچوں کی ہلاکت کے معاملے پر وزیراعظم نے وفاقی سیکرٹری صحت اسلم غوری کو فوری پر معطل کرکے عہدے سے ہٹا دیا۔
نجی ٹی وی چینل جیو نیوز کے مطابق پمز ہسپتال میں نومولود بچوں کی ہلاکت کے معاملے پر وزیراعظم شہبازشریف کی زیرصدارت اعلیٰ سطح کا اجلاس ہوا،وزیراعظم شہبازشریف نے متعلقہ افسران پر شدید برہمی کااظہار کیا، وزیراعظم نے اعلیٰ سطح کی تحقیقات کیلئے انکوائری کمیٹی تشکیل دیدی،
سابق سیکرٹری داخلہ شاہد خان تحقیقاتی کمیٹی کے سربراہ ہوں گے،دیگر ممبران میں سیکرٹری اسٹیبلشمنٹ ڈاکٹر بیرسٹر نویل اعوان شامل ہیں۔
