اسلام آباد (ڈیلی پاکستان آن لائن) پاکستان تحریک انصاف کے مرکزی سیکریٹری اطلاعات شیخ وقاص اکرم نے کہا کہ 27 ستمبر کو پی ٹی آئی لانگ مارچ کے حوالے سے حتمی پلان وزیر اعلیٰ خیبر پختونخوا سہیل آفریدی کے پاس ہی ہے ، جب وہ ہمارے ساتھ شیئر کریں گے تو میڈیا کو بھی بتا دیا جائے گا۔
نجی ٹی وی چینل ’’ ایکسپریس نیوز کے مطابق پی ٹی آئی کے مرکزی سیکریٹری اطلاعات شیخ وقاص اکرم نے پروگرام سینٹر اسٹیج میں گفتگو کرتے ہوئے کہا ہے کہ پی ٹی آئی لانگ مارچ کے حوالےسے وزیر اعلیٰ خیبر پختونخوا سہیل آفریدی اگر پہلے ہی پلان بتا دیں تو پھر حکومت کی جانب سے پہلے سے ہی سختیاں شروع ہو جائیں گی۔
