اسلام آباد (ڈیلی پاکستان آن لائن) وفاقی دارالحکومت اسلام آباد میں ممکنہ احتجاج کے پیش نظر سیکیورٹی ہائی الرٹ کردی گئی ہے اور طالبات کے تعلیمی اداروں میں غیراعلانیہ تعطیلات کردی گئی ہیں اور راولپنڈی میں 48 اسکول بیرون اضلاع سے آنے والی پولیس کے حوالے کردیے گئے ہیں۔
نجی ٹی وی چینل ’’ ایکسپریس نیوز‘‘ کے مطابق ذرائع نے بتایا کہ اسلام آباد میں ممکنہ احتجاج کے پیش نظر 20 سے زائد وفاقی تعلیمی ادارے ضلعی انتظامیہ اور وفاقی پولیس کے سپرد کر دیے گئے ہیں جہاں پنجاب سمیت دیگر صوبوں سے منگوائی گئی پولیس اور سیکیورٹی اہلکاروں کو ٹھہرایا جائے گا۔
