پشاور(ڈیلی پاکستان آن لائن)خیبرپختونخوا میں بارش اور آندھی کے باعث ایک روز میں چھتیں اور دیواریں گرنے کے مختلف واقعات میں7 افراد جاں بحق اور 33 زخمی ہوئے۔
نجی ٹی وی چینل جیو نیوز کے مطابق خیبرپختونخوا کے مختلف اضلاع میں 24 گھنٹوں کے دوران بارش، آندھی اور آسمانی بجلی سے ہونے والے نقصانات کی رپورٹ جاری کردی گئی۔
پروونشل ڈیزاسٹر مینجمنٹ اتھارٹی (پی ڈی ایم اے) کے مطابق خیبرپختونخوا کے مختلف اضلاع میں چھتیں اور دیواریں گرنے سے 7 افراد جاں بحق اور 33 زخمی ہوئے۔
جاں بحق افراد میں 2 بچے، 4 مرد اور ایک خاتون شامل ہے جبکہ زخمیوں میں 7 مرد، 12 خواتین اور 14 بچے شامل ہے۔
