لاہور (ڈیلی پاکستان آن لائن) چیئرپرسن چائلڈ پروٹیکشن اینڈ ویلفیئر بیورو پنجاب سارہ احمد نے کہا ہے کہ بچے کی حفاظت اور نگرانی میں ناکامی پر ملتان کے ایک یتیم خانے کی رجسٹریشن کی درخواست مسترد کر دی گئی ہے۔
نجی ٹی وی چینل ’’ایکسپریس نیوز‘‘ کے مطابق چائلڈ پروٹیکشن اینڈ ویلفیئر بیورو کی چیئرپرسن سارہ احمد نے پنجاب پولیس سے یتیم خانے کے مالک کے خلاف سخت قانونی کارروائی اور بچے کی موت کے ذمہ دار تمام افراد کا احتساب کرنے کا مطالبہ کیا ہے۔
انہوں نے کہا کہ بچے کو کام کے لیے ایک ٹھیکیدار کے حوالے کیا گیا تھا، تاہم اس کی حفاظت اور مناسب نگرانی یقینی نہیں بنائی گئی، جس کے نتیجے میں بچے کی جان چلی گئی۔
