اسلام آباد(ڈیلی پاکستان آن لائن)سندھ، پنجاب، خیبر پختونخوا، بلوچستان، گلگت بلتستان اور کشمیر میں آج تیز ہواؤں اور گرج چمک کے ساتھ بارش کی پیش گوئی کی گئی ہے۔
روزنامہ جنگ کے مطابق محکمہ موسمیات کا کہنا ہے کہ تھرپارکر، عمرکوٹ، میرپور خاص اور دیگر علاقوں میں موسلا دھار بارش ہوسکتی ہے۔ کراچی میں بھی آج بوندا باندی یا ہلکی بارش کا امکان ہے۔
محکمہ موسمیات کا کہنا ہے کہ ڈیرہ غازی خان اور شمال مشرقی بلوچستان میں موسلادھار بارش کی پیش گوئی اور ندی نالوں میں طغیانی کا خدشہ ہے۔
پی ڈی ایم اے پنجاب کے مطابق صوبے کے بالائی علاقوں میں بارشوں کی وجہ سے دریاؤں کا بہاؤ تیز ہورہا ہے۔
