اسلام آباد (ڈیلی پاکستان آن لائن) وزیر اطلاعات خیبر پختونخوا شفیع اللہ جان نے کہا ہے کہ جے یو آئی سے ہمارے کچھ معاملات طے پا چکے اور مثبت پیشرفت ہوئی ہے، لانگ مارچ میں سب جماعتیں شامل ہوں گی اور اب کی بار فیصلہ کن احتجاج ہوگا اور ہم اسلام آباد سے مطالبات کی منظوری تک واپس نہیں جائیں گے۔
نجی ٹی وی چینل ’’ ایکسپریس نیوز‘‘ کے مطابق وزیر اطلاعات خیبر پختونخوا شفیع اللہ جان نے پروگرام سینٹر اسٹیج میں گفتگو کرتے ہوئے کہا کہ پی ٹی آئی کی مولانا فصل الرحمان کی جماعت جے یو آئی کے ساتھ مثبت پیشرفت ہوئی اور اس حوالے سے جلد خبریں سامنے آئیں گی۔
