راولپنڈی(ڈیلی پاکستان آن لائن)مری کے گیسٹ ہاؤس سے خواجہ سرا کی لاش ملی ہے۔
نجی ٹی وی چینل جیو نیوز کے مطابق پولیس کا کہنا ہے کہ خواجہ سرا 2 روز سےگیسٹ ہاؤس میں مقیم تھا جبکہ مقتول کے گلے پر تیز دھار آلے کے زخم موجود ہیں۔
پولیس نے بتایا کہ موت کی حتمی وجہ پوسٹ مارٹم سے سامنے آئے گی تاہم گیسٹ ہاؤس اور اطراف کے علاقوں کی سی سی ٹی وی ویڈیوزحاصل کی جارہی ہے۔
اس کے علاوہ مقتول کی آخری نقل و حرکت اور رابطے میں رہنے والے افراد کی تفصیلات بھی اکٹھی کی جا رہی ہیں۔
