راولپنڈی(ڈیلی پاکستان آن لائن)راولپنڈی میں شہری کواغوا کرکے بھتہ لینے کے الزام میں پولیس کانسٹیبل سمیت 3 ملزمان کو گرفتار کرلیا گیا۔
نجی ٹی وی چینل جیو نیوز کے مطابق پولیس کا کہنا تھا کہ شہری نے شکایت کی تھی کہ پولیس اہلکار نے ساتھیوں کے ساتھ مل کراغوا کیا اوررقم لے کر چھوڑا۔
پولیس کا کہنا ہے کہ کانسٹیبل محسن ضیا اور اس کے دو ساتھی انکوائری میں الزامات ثابت ہونے پرگرفتار کر لیے گئے جن کے خلاف مقدمہ بھی درج کرلیا گیا۔
