اسلام آباد(ڈیلی پاکستان آن لائن) 7ستمبر شجاعت، غیرت اور پاک فضائیہ کے لازوال معرکوں کا وہ تاریخ ساز دن ہے جو ہر پاکستانی کا سر فخر سے بلند کر دیتا ہے۔
نجی ٹی وی چینل دنیا نیوز کے مطابق 1965 ء کی جنگ ہو یا تاریخ کا کوئی بھی کٹھن امتحان، پاک فضائیہ کے شاہینوں نے ہمیشہ دشمن کو دھول چٹائی، ایئر کموڈور سجاد حیدر کی قیادت میں پٹھان کوٹ ایئربیس پر حملے میں دشمن کے کئی طیارے زمین پر ہی تباہ کرنا ہوں یا ایم ایم عالم کاسرگودھا کے محاذ پر صرف ایک منٹ کے اندر اندر دشمن کے 5 طیارے مار گرانے کا عالمی ریکارڈ قائم کیا۔
پاک فضائیہ کے یہ جری شاہین کل بھی ہمارا غرور تھے اور آج بھی فتح و کامرانی کا نشان ہیں۔
