لاہور(ڈیلی پاکستان آن لائن) پاکستان کرکٹ ٹیم کے ہیڈ کوچ مائیک ہیسن کے والد نے بھی قذافی سٹیڈیم میں پاکستان اور انگلینڈ کے درمیان میچ دیکھا اور قومی ٹیم کی شاندار کامیابی سے محظوظ ہوئے۔
مائیک ہیسن کے والد چند روز قبل نیوزی لینڈ سے پاکستان پہنچے تھے۔ وہ بھی کرکٹ کے بڑے مداح ہیں اور انہوں نے اپنے بیٹے کے ساتھ قذافی سٹیڈیم میں بیٹھ کر پاکستان اور انگلینڈ کا میچ دیکھا۔
پاکستان کی خصوصی کامیابی کے بعد ہیڈ کوچ مائیک ہیسن نے سوشل میڈیا پر اپنے والد کے ہمراہ تصویر شیئر کرتے ہوئے خوشی کا اظہار کیا۔
مائیک ہیسن نے اپنے پیغام میں لکھا کہ یہ ایک خاص رات تھی، ایک سپیشل جیت کے موقع پر میرے والد بھی کراوڈ میں موجود تھے۔
