چارسدہ (ویب ڈیسک)وفاقی تحقیقاتی ایجنسی ( ایف آئی اے) اینٹی کرپشن سرکل پشاورنے نادرا سنٹر چارسدہ پر چھاپہ مارا ہے جس دوران چار اہلکاروں کو گرفتار کرلیا گیا جن میں اسسٹنٹ ڈائریکٹر(آفس انچارج) بھی شامل ہے، ملزمان غیرقانونی طورپر افغان شہریوں کو شناختی کارڈ جاری کرنے میں ملوث پائے گئے ہیں۔
تفصیل کے مطابق ڈپٹی ڈائریکٹر ایف آئی اے اینٹی کرپشن سرکل پشاور رانا شاہد حبیب کی ہدایت پر اسسٹنٹ ڈائریکٹر عبدالقیوم کی نگرانی میں مارا گیا۔
ذرائع کے مطابق ملزموں کے قبضے سے دستاویزات اور دیگر اہم شواہد برآمد کیے گئے، گرفتار اہلکاروں کے خلاف مقدمہ درج کر کے تحقیقات کا آغاز کر دیا گیا ہے تاہم ان سے دیگر مقدمات اور انکوائریوں میں تفتیش شروع کردی گئی ۔
ایف آئی اے ترجمان کے مطابق مزید سہولت کاروں کی گرفتاری کے لئےچارسدہ اور ملحقہ علاقوں سمیت مختلف مقامات پر چھاپے جاری ہیں۔
