اسلام آباد ( ڈیلی پاکستان آن لائن ) خیبر پختونخوا میں گورنر راج یا ایمرجنسی لگانے کے معاملے کے باعث وفاقی کابینہ کے ارکان کو اسلام آباد میں رہنے کی ہدایت کردی گئی۔
’’جنگ ‘‘ نے ذرائع کے حوالے سے بتایا ہے کہ وفاقی کابینہ کا اجلاس جلد بلائے جانے کا امکان ہے۔اجلاس میں صدر مملکت آصف علی زرداری، وزیراعظم شہباز شریف اور اعلیٰ عسکری حکام کی شرکت متوقع ہے، اجلاس میں قومی سلامتی کے اداروں کی رپورٹس کا بھی جائزہ لیا جائے گا۔
ذرائع نے بتایا کہ سابق فاٹا کے ضم شدہ اضلاع سمیت 12 اضلاع میں ایمرجنسی کے نفاذ کی تجویز ہے، صوبے میں اہم اختیارات وفاق کے استعمال کرنے کی بھی تجویز ہے۔ آرٹیکل 232 سے 234 تک غور و خوض کے بعد اہم فیصلوں کی منظوری کا امکان ہے۔
