اسلام آباد(ڈیلی پاکستان آن لائن)نائب وزیراعظم اسحاق ڈار اور ایرانی وزیر خارجہ عباس عراقچی کا ٹیلی فونک رابطہ ہوا ہے۔
نجی ٹی وی چینل دنیا نیوز کے مطابق ترجمان دفتر خارجہ کاکہنا ہے کہ اسحاق ڈار نے خطے میں امن اور استحکام کیلئے کردار جاری رکھنے کے عزم کا اعادہ کیا،ایرانی وزیر خارجہ نے امن عمل کو آگے بڑھانے میں پاکستان کی مسلسل حمایت کی تعریف کی۔
ترجمان کے مطابق عباس عراقچی نے ایرانی ماہی گیروں کی وطن واپسی پر سہولت کاری پر پاکستان کا شکریہ ادا کیا۔
