پاکستان نے ایل این جی کا ایک اور کارگو خرید لیا،جولائی میں اب تک خریدا جانیوالا یہ مہنگا ترین کارگو ہے

کراچی ( ڈیلی پاکستان آن لائن ) پاکستان نےجولائی کیلئے ایل این جی کا ایک اور سپاٹ کارگو خرید لیا۔

’’جیو نیوز ‘‘ کے مطابق پی ایل ایل ذرائع کے مطابق ایل این جی کارگو 21.88 ڈالر فی ایم ایم بی ٹی یو کے ریٹ پر خریدا گیا، جولائی میں اب تک خریدا جانے والا یہ مہنگا ترین کارگو ہے۔ پاکستان ایل این جی لمیٹڈ کی جانب سے 27 اور 28 جولائی کی ترسیل کے لیے ٹینڈر جاری کیا گیا تھا اور ایل این جی سپاٹ کارگو کے لیے ایک ہی بولی موصول ہوئی۔

واضح رہے اس سے قبل پاکستان نےجولائی کیلئے ایل این جی کا اسپاٹ کارگو 20.69 ڈالر فی ایم ایم بی ٹی یو کے ریٹ پر خریدا تھا۔