لاہور (ڈیل پاکستان آن لائن)وزیراعلیٰ پنجاب مریم نواز شریف سے سپیکر پنجاب اسمبلی ملک محمد احمد خان نے ملاقات کی ہے جس دوران عالمی صورتحال کے تناظر میں ملکی حالات پر تبادلہ خیال کیاگیا ، وزیراعلیٰ مریم نواز شریف نے بطور سپیکر پنجاب اسمبلی حکومتی اور اپوزیشن اراکین کو قانون سازی میں شمولیت یقینی بنانے کی ہدایت کی ہے ۔
نجی ویب سائٹ پاک رپورٹ کے مطابق صوبائی اسمبلی کی کارروائی کو باہمی ہم آہنگی سے فروغ دینے پر اتفاق باہمی ملاقات میں جیل اصلاحات کیلئے قانون سازی کے امور پر گفتگو کی گئی ، سپیکرملک محمد احمد خان نے نیشنل پیغام امن کمیٹی میں وزیراعلیٰ مریم نواز شریف کی طرف سے شاندار پالیسی پیش کرنے اور اپنا کھیت،اپنا روزگار سکیم کے اجراء پر خراج تحسین پیش کیا ۔
وزیراعلیٰ مریم نواز شریف نے اپنا کھیت، اپنا روزگار سکیم کو پوری ٹیم کی کامیابی قراردیااورکہاکہ پنجاب میں عوام کیلئے ہر روز نت نئے پراجیکٹ لارہے ہیں۔ مریم نواز شریف حکومت کی نظر اب پسماندہ علاقوں پر ہے جہاں سڑکوں پر الیکٹرک بسیں اور زراعت میں جدید مشینری لارہے ہیں۔ مریم نواز شریفاپناکھیت، اپنا روزگار سکیم سے 30 ہزار بے روزگار خاندانوں کو زمین اور روزگار ملا ہے۔
