راولپنڈی(ڈیلی پاکستان آن لائن)راولپنڈی میں نصیر آباد پولیس نے فوری کارروائی کرتے ہوئے 14 سالہ قوت سماعت و گویائی سے محروم لڑکی سے زیادتی کرنے والے شخص کو گرفتار کرلیا۔
نجی ٹی وی چینل’’ ایکسپریس نیوز‘‘ کے مطابق نصیر آباد پولیس نے متاثرہ لڑکی کی والدہ کی درخواست پر فوری مقدمہ درج کرکے ملزم کو حراست میں لے لیا، متاثرہ لڑکی کا میڈیکل پراسس کروایا گیا ہے۔
ایس پی پوٹھوہار سردار بابر ممتاز خان نے کہا کہ زیر حراست شخص کو ٹھوس شواہد کے ساتھ چالان عدالت کیا جائے گا، خواتین، بچوں سے زیادتی،ہراسمنٹ ناقابل برداشت ہیں۔
