کوئٹہ(ڈیلی پاکستان آن لائن)نصیر آباد میں نوتال قومی شاہراہ پر نامعلوم افراد نے بجلی کے ٹاور کو دھماکا خیز مواد سے اڑا دیا۔
روزنامہ جنگ کے مطابق ڈی ایس پی شمن علی سولنگی کے مطابق دھماکے سے ایک بجلی کا ٹاور مکمل تباہ ہو گیا، جبکہ دوسرے کو جزوی نقصان پہنچا۔
کیسکو حکام کا کہنا ہے کہ بجلی کی لائن اوچ پاور پلانٹ سے سبی کی جانب جا رہی تھی۔
بجلی کے ٹاور کو نقصان پہنچنے سے بلوچستان کے اکثر علاقوں میں بجلی کی فراہمی متاثر ہوئی ہے۔
